Nogueira de Ramuín celebrará el Entroido de 2025 con un concurso de disfraces y comparsas
Nogueira de Ramuín xa se prepara para festexar o Entroido de 2025. O día grande deste ano será o sábado 1 de marzo, cun desfile de comparsas disfraces que arrancará ás 17.00 horas dende a Praza do Afiador de Luíntra ou no Pavillón Municipal en caso de climatoloxía adversa.
Os premios para as comparsas, que deberán estar formada por cinco compoñentes como mínimo, serán de 250 para o primeiro premio, 150 euros para o segundo e 100 euros para o terceiro. Ademais, todas as comparsas que se presenten, agás as tres gañadoras, recibirán unha achega de 50 euros.
O prazo para poder participar remata o 27 de febreiro e as inscricións deberán formalizarse no departamento de Cultura do Concello de Nogueira de Ramuín.
Ademais, para quentar os motores de cara ao día grande, o Concello convoca tamén un concurso de Mecos. Para participar, os veciños e veciñas poderán sacar os seus mecos ás rúas a partir do sábado 15 de febreiro e ata o 24 de febreiro, xa que aqueles expostos máis tarde desta data quedarán fóra do concurso. As persoas interesadas en participar cos seus mecos deberán inscribirse no Departamento de Cultura.