A Festa dos Foros celebra a súa vixésima edición este sábado en Seixalbo
A parroquia ourensá de Seixalbo acollerá o sábado 27 de xuño a XX edición da Festa dos Foros, unha celebración que combinará actividades gastronómicas, musicais e de tradición popular ao longo de toda a xornada.
A programación dará comezo ás 13:00 horas cunha sesión vermú e un xantar veciñal por barrios. Xa pola tarde, ás 19:00 horas, celebrarase unha foliada e unha ronda polas adegas, que contará coa participación dos grupos Cantares da Cuña e Airiños de Caldelas.
Ás 21:00 horas está previsto un obradoiro de baile tradicional impartido por Adrao Casal, dirixido ás persoas asistentes que desexen participar nesta actividade formativa.
A partir das 22:00 horas comezará a programación musical nocturna co concerto do grupo Tandub, que se prolongará ata as 23:30 horas. O peche da xornada correrá a cargo de Trapallada, que actuará entre as 23:45 e a 01:30 horas.