A Vía da Prata por etapas volve para descubrir os atractivos do Camiño Mozárabe
A Deputación de Ourense, a través do Inorde, retoma o programa provincial da Vía da Prata por etapas, que ofrece aos peregrinos a oportunidade de coñecer os atractivos turísticos da provincia seguindo o Camiño Mozárabe.
O programa, que inclúe guía e transporte en autobús, permitirá realizar os distintos tramos durante varios domingos, podendo os participantes optar por etapas soltas ou polo itinerario completo. Os participantes percorrerán parte da etnografía, cultura popular e patrimonio dos concellos polos que transcorre esta ruta xacobea, que atraviesa preto dun terzo dos municipios de Ourense.
A primeira etapa comezará o 21 de setembro entre Ourense e Cea, cunha visita a Oseira e un percorrido de 21 km. O 28 de setembro, a ruta unirá Cea con Puxallos pasando por Piñor e Dozón, tras 22 km de percorrido. O 5 de outubro, os peregrinos saírán de Puxallos cara a Silleda, recorrendo outros 22 km. O 12 de outubro poderá optarse entre a etapa de Silleda a Vedra, de 23 km, ou de Silleda a Susana, de 30 km. Finalmente, a última etapa desenvolverase o 19 de outubro entre Susana e Santiago de Compostela, cun percorrido de 10 km.
As inscricións e toda a información do programa están dispoñibles na web www.conocegalicia.es e no teléfono 988 253 359. O custo da inscrición completa para todas as etapas é de 49 euros, mentres que por etapas soltas o prezo é de 15 euros. Ambas opcións inclúen guía oficial e transporte en autobús.