ALCER e o CHUO colaboran para mellorar a calidade de vida dos pacientes con enfermidade renal crónica
OurenseXa
A Asociación de Pacientes con Enfermidade Renal de Ourense, ALCER, coa colaboración da Escola de saúde para os cidadáns e a ACIS, están a levar a cabo uns obradoiros de coidado da pel para pacientes con enfermidade renal crónica
Obradoiro para o coidado da pel organizado por ALCER no CHUO
17 Sep 2024
A Asociación de Pacientes con Enfermidade Renal de Ourense, ALCER, coa colaboración da Escola de saúde para os cidadáns e a ACIS (Axencia do coñecemento en saúde), están a levar a cabo uns obradoiros de coidado da pel para pacientes con enfermidade renal crónica.
Os obradoiros están impartidos pola TCAE do servizo de nefroloxía do CHUO, Belén Simón, que ademais é especialista en estética.
A actividade está destinada a pacientes, homes e mulleres, que padecen enfermidade renal crónica e que na maioria dos casos están suxeitos a tratamento de diálise, xa que este tipo de pacientes soen presentar alteracións da pel, sendo a xerosis a principal alteración cutánea, seguíndolle o prurito e a hiperpigmentación.
Os factores de risco máis influentes na aparición das alteracións na pel dos pacientes en diálises son, a diabetes e as alteracións cardiovasculares, explican desde a organización destos obradoiros. Por iso, os pacientes aprenderán uns consellos orientados aos coidados da pel, a evitar a infección das lesións cutáneas e dermoestética en xeral.