Amoeiro acollerá un curso básico de competencias dixitais dentro do programa “Reto Rural Dixital”
O Concello de Amoeiro organiza un curso básico de formación dixital dentro do programa “Reto Rural Dixital”, que se celebrará os días 23, 24 e 25 de febreiro, en horario de 16:00 a 19:00 horas, na Casa da Cultura do municipio.
O curso abordará temas como o uso básico do móbil, seguridade no dispositivo, aplicacións do día a día, detección de bulos e noticias falsas, redes sociais e creación de contidos audiovisuais.
Ademais, está previsto un curso avanzado do 2 ao 4 de marzo, tamén de 16:00 a 19:00 horas, centrado en uso responsable da tecnoloxía, seguridade en Internet e redes sociais, cidadanía e identidade dixital, intelixencia artificial, e infancia e tecnoloxía.
Cada curso conta con 15 prazas destinadas a persoas empregadas no Concello de Amoeiro. As inscricións e a información poden solicitarse nos teléfonos 988 281 000 e 679 349 236.