Educación | Sociedade

Os nenos e nenas do CEIP O Ruxidoiro e do CEIP Filomena Dato participarán nas tradicionais batallas, que este ano terán que celebrarse nos patios dos propios centros educativos por mor da chuvia

O Concello de Barbadás, a través da Concellería de Educación, celebrará este xoves 12 de febreiro a tradicional Regueifa de Comadres, unha das actividades incluídas na programación do Entroido 2026.

Debido á previsión de chuvia, o evento trasladarase aos patios dos centros educativos. Así, a actividade desenvolverase no CEIP O Ruxidoiro, na Valenzá, onde comezará arredor das 12:10 horas, e no CEIP Filomena Dato, onde está previsto que dea inicio sobre as 13:00 horas.

Nesta ocasión, serán os alumnos e alumnas de 4º de Educación Primaria de ambos colexios quen participen na regueifa. A semana pasada xa tivo lugar a tradicional Regueifa de Compadres, na que participaron medio cento de escolares de 3º de Primaria dos dous centros.