O incendio iniciado este sábado en Casaio atópase estabilizado
A Consellería do Medio Rural informa de que o incendio forestal no concello ourensán de Carballeda de Valdeorras, parroquia de Casaio, quedou estabilizado ás 21:28 horas deste domingo.
O lume, que comezou ás 14:56 horas do sábado, afecta segundo as últimas estimacións a unha superficie de 850 hectáreas.
Para os labores de extinción mobilizáronse, de maneira acumulada, 5 técnicos, 30 axentes, 45 brigadas, 32 motobombas, 4 PAS, 4 unidades técnicas de apoio, 10 helicópteros e 4 avións.
A Consellería do Medio Rural lembra que está dispoñible para a cidadanía o número de teléfono gratuíto 085, ao que se debe chamar en caso de detectar un lume forestal. Ademais, existe o número anónimo e gratuíto 900 815 085 para denunciar calquera actividade incendiaria sospeitosa ou delituosa.