Papá Noel visita este venres aos nenos e nenas de San Cibrao das Viñas
OurenseXa
Será a partir das 17:00 horas e haberá reparto de agasallos
19 Dec 2025
Este venres, no Pavillón Municipal de San Cibrao das Viñas, terá lugar unha visita moi especial. Papá Noel chegará para repartir agasallos aos nenos e nenas do municipio. A actividade comezará ás 17:00 horas e a entrega de agasallos prolongarase ata as 20:00 horas.
Dende o Concello lembran que para poder recibir o agasallo será imprescindible levar o tícket correspondente. Ademais, durante o evento haberá festa con chocolate, inchables e a posibilidade de facerse fotos con Papá Noel.