A aldea de Forxas das Viñas, na Merca, celebra este domingo unha Festa de Entroido
OurenseXa
Comezará ás 17:00 horas no local social con música, merenda e unha exposición
14 Feb 2026
Este domingo 15 de febreiro, o local social da aldea Forxas das Viñas, no concello da Merca, acollerá unha tarde de Entroido cargada de tradición, música e actividades para toda a veciñanza.
A festa comezará ás 17:00 horas e , durante o evento, haberá música e merenda para compartir, así como exposicións para rememorar a historia desta festa con fotografías antigas do Entroido e as figuras da Madama e do Meco Bonito.
O Concello anima a todas as persoas a achegarse disfrazadas e participar desta celebración, desfrutando da troula e mantendo vivas as tradicións locais do Entroido.