A Asociación Diabética Auria programa unha charla sobre nutrición en Pereiro de Aguiar
A Asociación Diabética Auria organiza unha charla sobre nutrición que se celebrará o próximo 21 de outubro no Centro de Actividades Os Gozos, no municipio de Pereiro de Aguiar, ás 17:00 horas.
A sesión será impartida por Cristina Conde Rodríguez, nutricionista e farmacéutica, e abordará temas como os nutrientes e alimentos que axudan a previr os problemas de saúde máis comúns, a composición equilibrada dos pratos, a planificación da compra e a importancia dos produtos de proximidade. Ademais, os asistentes poderán participar na preparación dun menú saudable e equilibrado de tempada.
As persoas interesadas en asistir poden confirmar a súa asistencia contactando directamente co centro a través do correo asociación@auriadiabeticos.com ou chamando aos teléfonos 648 802 361 ou 613 016 634.