A Asociación Medrando Amoeiro inciará este sábado o seu club de lectura

O club reunirase un sábado ao mes e está aberto a persoas de todas as idades

A Asociación Medrando Amoeiro dará comezo o vindeiro sábado 27 de setembro ao seu club de lectura, que se celebrará ás 11:00 horas na Aula da Natureza.

O club reunirase un sábado ao mes para comentar un libro que terá que ser lido previamente. Durante as sesión, os participantes poderán compartir opinións, descubrir novas lecturas e gozar da compañía.

O primeiro libro que se comentará será ‘El traje del muerto’, de Joe Hill. As persoas interesadas poden inscribirse enviando un correo a medrandoamoeiro@gmail.com ou chamando ao 699 192 723. A actividade está aberta a persoas de todas as idades.