A Asociación Veciñal San Breixo de Seixalbo presenta a programación do 'Seixalbo Cultural 2024'
A Asociación Veciñal San Breixo de Seixalbo presentou na noite deste venres no Auditorio de Penouzos a programación da 37ª edición do 'Seixalbo Cultural 2024' desenvolverase na viña durante os meses de xuño, xullo, agosto e setembro
A iniciativa contará coa participación de dúas agrupacións locais: o Grupo tradicional de Gaita 'Os Amigos', creado en 1987, e a Escola de Danzas do mundo 'Dantzarí', creada este mesmo ano, e que realizará a súa primeira posta en escena con danzas bretonas, hebreas, suecas, rumanas, escocesas e, como non, galegas.
Estas actividades que se viñan desenvolvendo tradicionalmente no 'Mes Cultural' de setembro, amplían as súas datas durante todo o verán, a petición dos propios veciños e veciñas da vila que demandan máis actividade diante da escasa oferta que existe neste momento.
A organización destaca o variado da programación, dirixida a todos os públicos, que contará con teatro, cine, debuxo, pintura, historia, literatura, deporte, medio ambiente, música e danza, así como espazos de solidariedade e convivencia.
A programación convertirá o verán en Seixalbo no epicentro da cultura popular máis próxima.