A Aula Cemit de A Bola acollerá unha charla sobre dano cerebral adquirido
OurenseXa
Na sesión abordaranse as principais causas, así como as secuelas que poden xerar e os recursos de atención dispoñibles para os pacientes
13 Oct 2025
O próximo 18 de novembro celebrarase na Aula Cemit de A Bola a charla titulada "Aproximación ao dano cerebral adquirido", que dará comezo ás 17:00 horas.
A sesión abordará as principais causas de dano cerebral, como ictus e traumatismos craneoencefálicos, así como as secuelas que poden xerar e os recursos de atención dispoñibles para os pacientes.
As persoas interesadas poden inscribirse nos Servizos Sociais do Concello de A Bola chamando ao 604 037 952 ou enviando un correo a servizossociais@concelloabola.gal.