Eventos

A función será o 10 de xaneiro ás 18.30 h cunha adaptación libre de 'Lisístrata', dentro da programación de 'Nadal no Pereiro'

O Pereiro de Aguiar, 3 de xaneiro de 2026. O Auditorio dos Gozos acollerá o vindeiro 10 de xaneiro, ás 18.30 h, a representación de 'Puntadas Rebeldes', unha montaxe da Aula de Teatro do Pereiro de Aguiar que parte dunha adaptación libre de 'Lisístrata', a clásica peza de Aristófanes.

A proposta chega á escena como unha cita cultural das vacacións, enmarcada no programa de 'Nadal no Pereiro', e aposta por un formato pensado para todos os públicos, no que o humor se combina coa crítica social e a creatividade escénica.

Dende o Concello animan á veciñanza a achegarse ao auditorio para apoiar o talento local e desfrutar dunha tarde de teatro que recupera, cunha lectura propia, unha obra universal.