A Aula de Teatro Infantil de Barbadás estreou a súa obra de fin de curso na Casa da Cultura Manuel María
Aula de Teatro Infantil celebrou este xoves a estrea da súa obra de final de curso, titulada ‘O mundo ao revés’, na Casa da Cultura Manuel María. A representación contou cunha boa acollida por parte do público, que encheu a sala para ver sobre o escenario o traballo realizado por nenas e nenos ao longo do curso.
A actividade teatral continuará este venres, 30 de maio, ás 20:00 horas, co grupo de teatro de adultos, que porá en escena a peza ‘Picnic’. Nesta representación participarán tamén as dúas alumnas da Aula Xuvenil, que se sumaron ao elenco de adultos e tomarán parte en ambas funcións.
Desde a área de Cultura animan á veciñanza a achegarse e apoiar estas iniciativas, así como a formar parte do proxecto teatral municipal de cara ao vindeiro curso.