A Banda Unión Musical de Allariz participou no Certame Internacional de Música de Benavente
A Banda Unión Musical de Allariz deu un paso importante na súa traxectoria esta fin de semana coa súa participación no VIII Certame Internacional de Bandas de Música “Cidade de Benavente”.
A agrupación, formada por 70 músicos baixo a dirección de Nieves Llopis Tormo, ofreceu unha actuación neste certame, no que, interpretaron o pasodobre de apertura ‘Encuentros’ de José Rafael Pascual Vilaplana, a obra obrigatoria ‘Babot’ de David Rivas e, como peche, a obra libre ‘Der Magnetberg, The Magnetic Mountain’ de Mario Bürki.
A Banda de Allariz compartiu escenario con outras cinco formacións chegadas de diferentes puntos de España e Portugal, nun dos certames de bandas máis recoñecidos a nivel internacional.
Desde a banda destacaron o orgullo que supón representar a Allariz nun evento desta relevancia e a importancia de seguir impulsando o apoio á música e á cultura local.