A Biblioteca Pública Municipal de Taboadela inicia en setembro o novo curso da Aula Concilia

O prazo de inscrición estará aberto ata o 29 de agosto

A Biblioteca Pública Municipal de Taboadela pon en marcha un ano máis a Aula Concilia, unha iniciativa pensada para favorecer a conciliación familiar entre o remate do campamento de verán e o inicio do curso escolar.

O prazo de inscrición estará aberto ata o 29 de agosto e as persoas interesadas deberán cubrir o formulario e a autorización dispoñibles en liña, onde tamén se poden consultar as bases da convocatoria.

As actividades desenvolveranse de luns a venres, en horario de 9:00 a 13:00 horas, nos días que figuren na ficha de inscrición.