A Biblioteca Pública Nós acolle este martes un encontro sobre a realidade de Gaza a cargo de Mohamed Safa
A Biblioteca Pública Nós acollerá este martes, 24 de marzo, ás 19:00 horas, un encontro sobre a realidade de Gaza a cargo de Mohamed Safa. Durante a cita, o autor presentará o seu libro “Gaza, un genocidio televisado”, no que aborda a realidade que afronta o pobo Palestino.
Safa naceu en Nablús, na Cisxordania, no 1956 e licenciouse en Medicina na Universidade de Santiago de Compostela. Posteriormente especializouse en Oftalmoloxía en Oviedo. Actualmente reside en Corcubión. É membro da Organización para a Liberación da Palestina (OLP) e ten feito numerosos artigos, dado conferencias, participado en iniciativas culturais e políticas pola visibilización da Palestina, así como publicado varios libros, entre os que están Palestina, grito por la libertad (2003); La revolución árabe. Democracia, nacionalismo y religión (2017); e La Segunda Nakba Palestina (2022).