A Bola acolle esta semana unha nova sesión do programa “A Administración Cerca de Ti”
OurenseXa
O persoal da Subdelegación do Goberno en Ourense ofrecerá atención individualizada para que os asistentes poidan obter o seu certificado dixital.
7 Mar 2026
O próximo 10 de marzo, o Concello da Bola acollerá unha nova sesión do programa “A Administración Cerca de Ti”, destinada a facilitar á cidadanía a xestión de trámites dixitais de forma sinxela e acompañada.
O persoal da Subdelegación do Goberno en Ourense ofrecerá atención individualizada para que os asistentes poidan obter o seu certificado dixital e aprender a utilizalo en xestións con organismos como o INSS, a Dirección Xeral de Tráfico, a Axencia Tributaria, o Sergas ou a Carpeta Cidadá, entre outros.