A Bola presenta o seu programa de Nadal 2025 con actividades para todas as idades

Obradoiros, concursos de decoración, un campamento ou unha visita a Pazolandia son algunhas das actividades que se desenvolverán durante o mes de decembro

O Concello de A Bola xa ten listo o seu programa de Nadal 2025, unha proposta pensada para compartir, crear e celebrar en comunidade durante estas festas.

Entre as actividades destacadas atópanse obradoiros creativos para preparar o Nadal, un concurso de decoración dos pobos do municipio para encher de luz e cor cada recuncho, e un ludocampamento e campamento dixital nos que os máis pequenos poderán aprender xogando.

Tamén está prevista unha visita a Pazolandia, unha xornada familiar para gozar xuntos, e para pechar as celebracións, a Gran Cabalgata de Reis, un evento cheo de emoción e sorrisos.