A Casa dos Poetas de Celanova acolleu a presentación do libro 'Amada Rosalía'
OurenseXa
'Amada Rosalía' é o último poemario do autor ourensán Suso Díaz
25 Xul 2024
A Casa dos Poetas de Celanova acolleu o mércores, 24 de xullo, a presentación de 'Amada Rosalía', do poeta ourensán Suso Díaz. O acto tivo lugar na Sala da Lareira e contou coa presenza do autor, que estivo acompañado de Xosé Benito Reza.
Nacido en Ludiros (Manín, Lobios), foi membro do Colectivo Arraianos e formou parte da asociación de poesía Gallos Quiebran Albores, da cidade estremeña de Mérida. Díaz é autor de poemarios como 'Sofía', 'A utopía que diluiu o vento', 'Pedro' ou 'Milagre é crer'. Ademais, no ano 2012 puxo en marcha o caderno de poetas galegos contemporáneos As Escollas Electivas. O autor formou parte do Colectivo Arraianos e da asociación de poesía Gallos Quiebran Albores