A Coral do Liceo pechará a Semana Santa de Ourense co seu tradicional Concerto Sacro
A Coral do Liceo poñerá o broche final á Semana Santa de Ourense co seu tradicional Concerto Sacro, un evento que terá lugar na Igrexa de Santa María Nai, o vindeiro luns 21 de abril, Luns de Pascua, ás 20.00 horas.
A cita contará cun programa especial no que a coral interpretará temas como Ave María (G. Caccini), Kyrie (A. W. Ketèlbey), Zum Sanctus (F. Schubert), La Vergine degli Angeli (G. Verdi), O Sacrum convivium (L. Perosi), Pie Jesu (A. Ll. Weber), In monte Oliveti (G. B. Martini), Dies irae (Réquiem K.V. 626 - W. A. Mozart), Alta Trinità beata (anónimo s. XV), Laudate Dominum (W. A. Mozart), Hallelujah (L. Cohen) ou Benedicat vobis (G. F. Haendel).
Desde o Liceo convidan a todos os amantes da música coral a asistir a este evento, que conta co apoio do Cabido da S.I. Catedral de Ourense e do Bispado de Ourense.