A cuarta edición do Rallye Comarca do Carballiño pasará por Amoeiro este sábado
A cuarta edición do Rallye Comarca do Carballiño celebrarase este fin de semana, percorrendo varias localidades de Ourense, entre elas Carballiño, Piñor, Cea, San Amaro, Leiro, Amoeiro e Maside. Esta proba deportiva, consolidada no calendario dos afeccionados ao motor, supera nesta edición os 150 inscritos.
O tramo que atravesará Amoeiro e Maside será especialmente decisivo na competición. Programado para o sábado 27 de setembro, contará con dúas pasadas: a primeira (T7) ás 18:20 horas e a segunda (T9), xa a última do rallye, ás 22:20 horas. Segundo os organizadores, este tramo podería ser determinante para decidir o gañador final da proba.
Jesús López Blanco, organizador do rallye, destacou a elevada participación de vehículos nesta edición e a emoción que xerar o tramo espectáculo inaugural no Parque Municipal do Carballiño, previsto para o venres, e que promete ser un atractivo para o público. O sábado continuará con tramos en Piñor-Cea, San Amaro e Leiro antes de chegar ao tramo clave de Amoeiro-Maside e concluír finalmente na Praza da Veracruz do Carballiño.