A Deputación de Ourense aprobou unha nova partida de 90.000 euros en axudas destinadas a apoiar proxectos culturais, sociais e de desenvolvemento rural na provincia.
Segundo se acordou na sesión semanal do Consello de Goberno, a RDA Limia-Arnoia recibirá 78.000 euros para o desenvolvemento do seu proxecto “Mixturando”, unha iniciativa centrada en promover a cooperación e a innovación no ámbito rural.
Ademais, concédense 6.000 euros á Asociación Galega de Música e Cultura para cubrir gastos de funcionamento, e outros 6.000 euros aos Pais Mercedarios de Verín para acometer obras de reparación na igrexa e no convento de Nosa Señora da Misericordia.
Con estas axudas, a Deputación reafirma o seu compromiso co impulso ás entidades que traballan pola conservación do patrimonio, a promoción cultural e o desenvolvemento social na provincia de Ourense.