A Deputación e a Federación Veciñal Limiar reforzan a colaboración
O presidente da Deputación, Luis Menor, mantivo un encontro institucional coa nova directiva da Federación Veciñal Limiar, presidida por José Luis Lorenzo Blanco. Esta federación agrupa a 30 asociacións veciñais da provincia, a maioría situadas na capital.
Durante a reunión, a directiva de Limiar expuxo os seus principais obxectivos para este mandato, centrados en potenciar a colaboración cos asociados e mellorar a interlocución coas administracións, sinalando á Deputación como un aliado fundamental nas súas iniciativas.
Pola súa banda, Luis Menor destacou o labor das asociacións de veciños e valorou positivamente as propostas trasladadas, subliñando a súa relevancia para a comunidade, sendo, dixo “interlocutores plenamente válidos para acadar eses obxectivos”.