A Deputación e Asociación de Escaladores Ourensáns estudan vías de colaboración
O presidente da Deputación de Ourense, Luis Menor, recibiu no Pazo Provincial a Joan Bernat Clarella Biarge, presidente da Federación Española de Deportes de Montaña e Escalada (FEDME), acompañado por unha delegación da Asociación de Escaladores Ourensáns (Asesou).
No encontro analizaron o crecente interese pola escalada na provincia, un deporte que suma cada vez máis afeccionados e profesionais. Luis Menor felicitou a Asesou polo seu labor na promoción desta actividade e manifestou a disposición da Deputación para estudar posibles colaboracións co club.
Xunto ao presidente da FEDME estiveron presentes Alejandro López, presidente da Federación Galega de Escalada, Alfonso Bök Villalva, presidente de Asesou, e Blanca García, tesoureira da asociación.