Axenda

Será este venres na Biblioteca Nós

O vindeiro venres 26 de setembro, ás 19:00 horas, a sala de conferencias da biblioteca Nós acollerá a presentación da novela ‘Balas de papel’, de Marta Seoane Pazos.

A autora, natural de Carballo (A Coruña) e traballadora do Hospital Teresa Herrera, publicou en 2024 coa editorial Aliar a primeira edición en castelán desta obra, que en só catro meses alcanzou a terceira tirada.

A cita en Ourense servirá para dar a coñecer a tradución ao galego desta novela histórica, que conecta dúas mulleres e dúas épocas con destinos entrelazados e que se desenvolve na cidade da Coruña.