A Federación Alcer Galicia celebra este sábado en Ourense a I Gala Benéfica ‘O Son de ALCER’
A Federación Alcer Galicia celebrará este sábado en Ourense a I Gala Benéfica ‘O Son de ALCER’, un evento solidario que se desenvolverá no Auditorio Municipal e que reunirá música e baile nunha tarde dedicada a apoiar ás persoas afectadas pola enfermidade renal crónica e ás súas familias.
Durante a gala, o público poderá gozar de diversas actuacións, entre elas a escola de baile "Estilo Libre", a escola de música "Bieito Blanco" e a recoñecida banda de gaitas Auria, entre outras sorpresas.
ALCER Ourense é unha asociación sen ánimo de lucro, de carácter sanitario e social, declarada de utilidade pública. Desde a súa creación en 1982, a entidade traballa sen descanso para ofrecer apoio moral e físico aos pacientes con enfermidade renal crónica e aos seus familiares, quen desempeñan un papel fundamental no proceso da enfermidade.