A fotógrafa Ofelia Cardo expón en Ourense a súa mostra 'Fronte a min'
OurenseXa
A mostra poderá visitarse ata o 8 de xaneiro
A fotógrafa, Ofelia Cardo, xunto ao deseñador Roberto Verino
9 Nov 2024
A fotógrafa Ofelia Cardo expón en Ourense a súa mostra 'Fronte a min', cunha serie de fotografías que poderán visitarse ata o 8 de xaneiro no Espazo de Arte Roberto Verino, na rúa do Paseo.
Nada en Valencia en 1967, Ofelia Cardo fixo estudos de Bellas Artes nas universidades de Valencia e Pontevedra. Actualmente é profesora na EASD, Escola de Arte Superior e Deseño Antonio Faílde de Ourense.
Cardo conta cunha extensa traxectoria expositiva non só en Ourense, senón que as súas mostras percorreron as principais salas de exposicións de Galicia ao longo da súa traxectoria profesional.