A Fundación Cum Laude continúa este venres o ciclo de conferencias ‘Mirar a Arte’ de 2025
A Fundación Cum Laude continúa este venres o ciclo de conferencias ‘Mirar a Arte’ de 2025, cunha charla de Paco López Barxas titulada “Eugenio Granell. Crónica dunha amizade. Encontro do humor surrealista dun pintor universal”. Terá lugar no Centro Cultural Ángel Valente ás 19:30 horas. A seguinte será o 28 de febreiro, con Paco López Barxas, que falará da figura de Eugenio Granel.
Próximas conferencias
O 4 de abril, SOS Gulías protagonizará a conferencia. Máis adiante, o 25 de abril, Xosé Poldras dedicará a súa intervención a Edward Muybridge, un fotógrafo estadounidense vinculado á "arqueoloxía" do cine, cuxa figura será destacada nesta ocasión.
O 30 de maio, Olga Pastor presentará "Artistas actuais de e na provincia de Ourense - Parte 2", na que, tras unha primeira parte interesantísima e sorprendente, se continuará explorando talentos locais.
O ciclo culminará o 13 de xuño con Tareixa Taboada, quen abordará o tema "Rebeldía e compromiso. A arte de ser pintura", dedicando unha homenaxe a Alexandro, un dos grandes artistas recentemente falecidos.
Todas as conferencias terán lugar no Centro Cultural Ángel Valente e prometen ser unha oportunidade única para profundar na arte desde diversas perspectivas.