Cultura

Trátase de “Lobeira”, unha mostra que combina os debuxos realizados por Xurxo Lourenzo coas fotografías que anos despois fixo Mark Ritchie baseadas neles

A Fundación Vicente Risco inaugurará o vindeiro venres 13 de febreiro, ás 20:00 horas na súa sede de Allariz, a exposición “Lobeira”.

Trátase dunha mostra que parte dos fondos da Fundación e combina os debuxos realizados por Xurxo Lourenzo coas fotografías que anos despois fixo Mark Ritchie dos mesmos elementos e paisaxes representados nos debuxos, creando un interesante xogo entre pasado e presente, establecendo un diálogo especial ente ambos artistas.

Ao remate da inauguración, celebrarase un pequeno encontro con petiscos para oos asistentes. A exposición estará aberta ao público na Fundación Vicente Risco ata oo 5 de abril.