A I Feira Educativa de Ourense pechou as súas portas con máis de 3.000 visitas
A I Feira Educativa de Ourense, a primeira experiencia de colaboración no ámbito educativo que reúne nun mesmo espazo a colexios, institutos, centros de FP, universidades e mesmo forzas armadas, foi clausurada esta este xoves cun grande éxito de asistencia, con máis de 3.000 persoas que se achegaron ata Expourense.
A I Feira Educativa de Ourense, a primeira experiencia de colaboración no ámbito educativo que reúne nun mesmo espazo a colexios, institutos, centros de FP, universidades e mesmo forzas armadas, foi clausurada esta mañá cun grande éxito de asistencia, con máis de 3.000 persoas que se achegaron ata Expourense, na súa meirande parte estudantes, familias e profesores.
O acto de clausura estivo presidido polo conselleiro de Educación, Román Rodríguez, acompañado polo vicepresidente segundo da Deputación, César Fernández. Á vista do enorme éxito desta acción, no que o alumnado de 15 centros educativos da provincia tivo a oportunidade de coñecer a oferta de ensino e o traballo que se fai noutras 15 entidades participantes, a Deputación garante que esta feira terá continuidade e non quedará só nunha acciona illada.
Precisamente, o presidente provincial, Luis Menor, explicaba ao inicio desta iniciativa o seu convencemento de que as administracións teñen “a obriga de xerar talento entre as novas xeracións”, así como de “reter esas capacidades no noso territorio”. Precisamente, debido a ese carácter estratéxico e clave para o futuro, Menor garantiu que esta acción non será puntual, senón que terá continuidade para converterse nun lugar de referencia para estudantes e profesores.
Expositor propio da Deputación
A Feira Educativa contou tamén cun expositor propio da Deputación, onde persoal da institución provincial ofreceu información detallada das accións formativas complementarias que imparte a Deputación a través do Obradoiro de Instrumentos Musicais, da Escola Provincial de Gaitas, da Escola de Arte e Oficios e do Centro de Cultura Popular Xaquín Lorenzo. Esta información foi achegada a máis de 700 persoas interesadas nestas actividades.
Ademais, un aspecto que salientan desde a organización deste evento é que os visitantes conformaron un público obxectivo moi directo e interesado en todas as accións ofertadas, situando á I Feira Educativa nun plano especializado que foi moi apreciado tanto polos expositores como polos propios visitantes.