A Merca celebra o Entroido de San Pedro da Mezquita os días 8, 15 e 17 de febreiro
A parroquia de San Pedro da Mezquita, no concello da Merca, celebra o seu tradicional Entroido do 8 ao 17 de febreiro. Esta festividade, con máis de 250 anos de historia, foi recuperada grazas á Asociación Os Galos, fundada en 2014.
O domingo 8 de febreiro terá lugar o Corredoiro do Galo na Escola de A Mezquita durante toda a tarde.
O domingo 15 de febreiro desenvolveranse actividades de Entroido coa participación dos Galos e pequenos pasarrúas ao longo da mañá. Posteriormente, celebrarase un Xantar Veciñal con aforo limitado a 80 persoas, para o que será necesario anotarse antes do 11 de febreiro no bar Patamela. Pola tarde, continuará a festa coa presenza dos Galos, amenizada pola charanga Caliqueños.
Finalmente, o martes 17 de febreiro realizarase outro Entroido con Galos e un pequeno pasarrúas para pechar as celebracións.