A MITEU 2025 encara a súa derradeira semana con seis espectáculos
A MITEU 2025 encara xa a súa derradeira semana enchendo de teatro e danza as rúas da cidade. Nesta edición, que supón o 30 aniversario da Mostra Internacional de Teatro de Ourense, participan 200 persoas, 13 grupos universitarios e seis compañías de teatro profesional procedentes de países como México, Portugal, Dinamarca, Guinea Ecuatorial e Gambia, ademais de España.
Este luns, 5 de maio, ás 20.00 horas, o Aula de Teatro da UBU de Burgos (Castilla - León) presenta ‘Proyecto Laramie’ no Teatro Principal de Ourense. O martes 6 de maio, ás 20.00 horas, a compañía Carla Novi de México presenta ‘Luchadoras’ no Teatro Principal de Ourense. O mércores 7 de maio, ás 20.00 horas, o Aula de Teatro da Coruña (Galicia) presenta ‘Cartografías sen norte’ no Teatro Principal de Ourense.
O xoves 8 de maio, ás 20.00 horas, as Compañías de Danza da Universidade USC-Lugo, UDC-Coruña, UVigo-Ourense e A casa Vella (Galicia) presentan as ‘14ª Xornadas de danza’ no Teatro Principal de Ourense. Finalmente, o sábado 10 de maio, ás 20.00 horas, a compañía Maricastaña, do Aula Universitaria de Ourense (Galicia), presenta ‘Ludovica 2.5’ no Teatro Principal de Ourense, como clausura da MITEU.