Sociedade

As persoas interesadas en coñecer de primeira man as instalacións poden achegarse este xoves e venres

A Residencia de Maiores María Puga Martínez celebra este xoves e venres, 19 e 20 de febreiro, unhas xornadas de portas abertas co obxectivo de dar a coñecer as súas instalacións ás familias interesadas.

As visitas poderán realizarse en horario de 10:00 a 16:00 horas, permitindo ás persoas asistentes coñecer de primeira man os espazos e servizos do centro.

A residencia conta con habitacións dobres e individuais, cociña propia, sala de estar, comedor, sala de rehabilitación e baños adaptados, entre outras dependencias destinadas á atención e coidado das persoas maiores.

Con esta iniciativa, o centro abre as súas portas para achegar ás familias información directa sobre os recursos e características das súas instalacións.