A unidade móbil de doazón de sangue estará en Allariz este venres

Estará situada no Campo da Barreira en horario de mañá e de tarde

Este venres, 31 de outubro, a unidade móbil de doazón de sangue trasladarase a Allariz. Estará situada no Campo da Barreira e horario das doazóns será de 09:45 a 14:15 horas e de 16:00 a 21:00 horas.

Desde A Axencia de Doazón de Órganos e Sangue (ADOS) lembran que calquera persoa maior de 18 anos e que pese máis de 50 kg pode ser doante, e insisten na importancia de almorzar antes de doar e esperar dúas horas despois de xantar, así como de levar o DNI ou documento identificativo e informar ao persoal médico se se está a tomar algún medicamento.