Sociedade

Estará dispoñible os días 10, 18 e 24 de febreiro en horario de mañá

O Concello de Celanova informa que os días 10, 18 e 24 de febreiro, de 9:00 a 13:00 horas, estará dispoñible na localidade un vehículo da Policía para a expedición inmediata de DNI e pasaporte.

Esta iniciativa permitirá aos veciños realizar estes trámites de maneira rápida e sen necesidade de desprazarse a outras cidades. As solicitudes xa se poden realizar nas oficinas municipais de Celanova ou chamando aos teléfonos 988 431 481 ou 988 431 487.