Sociedade

Será este martes, coincidindo coa visita da oficina móbil para expedir certificados dixitais

O próximo 24 de marzo, persoal da Subdelegación do Goberno desprazarase ao Concello da Xunqueira de Ambía para expedir certificados dixitais a todas as persoas físicas que o necesiten.

Para aproveitar ao máximo esta ferramenta, o Concello acollerá un curso de Autonomía Dixital dirixido a adultos, que se impartirá na Aula CEMIT, ubicada no antigo cuartel da Garda Civil.

As persoas interesadas poden inscribirse directamente no Concello, combinando así a obtención do certificado dixital coa formación práctica para o seu uso na vida diaria.