Sociedade

O prazo estará aberto ata o 16 de febreiro e o concurso repartirá un total de 600 euros entre os tres máis votados

O Concello de Barbadás abriu ata o 16 de febreiro o prazo de votación popular en liña para elixir aos gañadores do Concurso de Mecos do Entroido de 2026.

Con este concurso, o Concello busca amosar os mecos realizados polos veciños e veciñas, como unha das expresións máis tradicionais do entroido. En total, este ano repartirase un total de 600 euros en premios, correspondendo 300 euros ao primeiro premio, 200 euros ao segundo e 100 euros ao terceiro. A votación pode realizarse a través do formulario dispoñible na páxina web municipal.