Abertas as inscricións para participar nunha xornada de rafting organizada polo Concello de San Cibrao das Viñas
O Concello de San Cibrao das Viñas organiza unha saída de rafting en Herbón (Padrón, A Coruña) para ofrecer aos mozos un plan diferente este mes de marzo. A actividade celebrarase o sábado 21 de marzo de 2026, con saída pola mañá e unha duración aproximada de catro horas.
Poderán participar mozos de entre 12 e 25 anos (ambos incluídos), que saiban nadar e estean empadroados en San Cibrao das Viñas, ou que teñan aos seus pais ou titores empadroados no municipio. No caso de menores, será necesario presentar a correspondente autorización oficial.
O transporte estará incluído, cun autobús que levará aos participantes desde o punto de encontro ata o lugar da actividade. A xornada conta cun aforo limitado a 25 prazas, e as inscricións estarás abertas ata o 13 de marzo.