Allariz acollerá a primeira proba do programa ‘Rumbo’ o domingo 29 de xuño
O vindeiro domingo 29 de xuño, ás 11:00 horas, Allariz será o escenario da primeira proba do programa ‘Rumbo’, unha iniciativa promovida pola Deputación de Ourense que mestura deporte, natureza e aprendizaxe, aberta a todas as persoas.
A actividade desenvolverase na Alameda e no centro histórico da vila, onde as persoas participantes deberán percorrer diferentes puntos do municipio buscando balizas con axuda dun mapa, ao tempo que superan pequenos retos e gozan da contorna natural. Ademais, haberá xogos de orientación especialmente deseñados para o público infantil.
A inscrición é totalmente gratuíta e pode facerse a través da web oficial: www.rumbo.gal.
Desde o Concello animan á veciñanza e visitantes a participar nesta actividade lúdico-deportiva e a descubrir Allariz dun xeito diferente