Allariz acollerá un curso gratuíto de produción agraria ecolóxica e sostibilidade
O Concello de Allariz colaborará no proxecto ECOBIOS NEXT para impartir un curso gratuíto de produción agraria ecolóxica e sostibilidade dirixido a persoas en situación de desemprego.
A formación desenvolverase na localidade entre o 25 de agosto e o 3 de outubro en modalidade mixta, con 75 horas presenciais e 25 horas en liña. As sesións presenciais terán lugar de 8:00 a 14:00 horas.
O curso contará cun máximo de 10 prazas e inclúe visitas, sesións prácticas e contidos adaptados ás necesidades laborais do sector na zona.
As inscricións xa están abertas e poden realizarse escaneando o código QR do cartel informativo ou contactando directamente coa organización.
Segundo sinalan dende o Concello, esta iniciativa pretende contribuír á formación e inserción laboral no ámbito rural, apostando por un modelo de produción máis sostible.