Axenda

Será este sábado 30 de agosto, dentro do programa do Festival RiR

Allariz acollerá este sábado, 30 de agosto, un roteiro polas localizacións do filme “A lingua das Bolboretas”, incluído na programación do Festival Internacional de Curtas de Comedia (RiR). O percorrido partirá da Praza Maior ás 11:00 horas e contará coa presenza do director Manuel Gallego e do xefe de localización José Luis Carneiro, que acompañarán aos participantes durante a actividade.

As prazas para este roteiro son limitadas, polo que a organización recomenda inscribirse con antelación para asegurar a participación. A actividade ofrece aos asistentes a oportunidade de coñecer de primeira man os espazos reais nos que se desenvolveu a película e de escoitar anécdotas e explicacións directas dos responsables do proxecto cinematográfico.