Amoeiro fixo entrega dos premios do II Concurso Fotográfico do Nadal
OurenseXa
Nesta edición, as gañadoras foron Cintia Piña, María Jesús González e Julia Fernández
31 Mar 2026
O Concello de Amoeiro fixo entrega dos premios ás fotografías máis votadas do II Concurso Fotográfico do Nadal, unha iniciativa que buscaba fomentar a participación veciñal a través da creatividade.
Nesta edición, as gañadoras foron Cintia Piña, María Jesús González e Julia Fernández, cuxas imaxes resultaron escollidas mediante votación popular a través das redes sociais do Concello. Os premios consistiron nun lote de produtos doados por empresas locais como Avícolas Amoeiro, Adega Terras Mancas e A Melería de Trasalba.