Aprobado o expediente para contratar as obras de restauración da pasarela de Outariz

O orzamento da licitación será preto de dous millóns de euros

A Xunta de Goberno Local do Concello de Ourense aprobou esta semana o expediente para contratar as obras de restauración da pasarela de Outariz. O proxecto contará cun orzamento de licitación de 1.646.952, euros, IVE incluído, e tramitarase mediante procedemento aberto.

A sesión ordinaria celebrouse no salón de plenos municipal e incluíu tamén a revisión doutros asuntos. Entre eles, o executivo local acordou que o expediente relativo á concesión demanial para a explotación das instalacións da futura cafetería do Parque da Alameda quede pendente para ser levado a unha próxima reunión da Xunta de Goberno.