Aprobado o proxecto de ampliación do instituto Eduardo Blanco Amor de Ourense
A Xunta de Goberno Local do Concello de Ourense aproba concederlle a licenza urbanística á Xunta de Galicia para executar as obras de ampliación do instituto Eduardo Blanco Amor, na rúa Vicente Risco.
A ampliación forma parte do proxecto 'Nova arquitectura pedagóxica' posto en marcha pola Xunta e supón a segunda actuación que se realiza no centro nos últimos anos, co obxectivo de adaptar e modernizar as instalacións. As obras contan cun orzamento de máis de 700.000 euros.
Ademáis, o Concello aproba tamén o proxecto de modificación orzamentaria 1P/2024, que ten como finalidade destinar un investimento de 400.000 euros á rehabilitación dun edificio na Praza da Trindade, que será acondicionado como nova sede da oficina de rehabilitación do conxunto histórico da cidade.