As Escolas Deportivas do Pazo Paco Paz suman novas actividades para o curso 2025/2026
OurenseXa
O prazo para inscribirse xa está aberto e as actividades darán comezo o 1 de outubro
5 Sep 2025
O Pazo dos Deportes Paco Paz xa abriu o prazo de inscrición para as Escolas Deportivas 2025/2026, dirixidas a nenos e nenas de entre 3 e 17 anos da provincia.
As clases darán comezo o 1 de outubro e esta tempada inclúense novas disciplinas como patinaxe artística, minibalonmán e kárate. Estas súmanse á oferta xa consolidada, que abrangue fútbol sala, tenis de mesa, baloncesto, psicomotricidade, remo indoor, voleibol, breaking, kung-fu, iniciación á ximnasia e diferentes modalidades de baile para nenos e adolescentes.