As Festas de Ourense ocasionarán cortes de tráfico a partir desde martes

As principais afeccións serán na rúa Pardo de Cela e na contorna do Parque Barbaña

Festas de Ourense

As Festas de Ourense ocasionarán cortes de tráfico en distintos puntos da cidade desde mañá, martes 17 de xuño. As principais afeccións serán na rúa Pardo de Cela, onde se celebrará o pregón e a maioría das actuacións musicais, e na contorna do Parque Barbaña, onde estarán instaladas as atraccións festivas. O dispositivo da Policía Local de Ourense establece as seguintes medidas:

• Rúa Pardo de Cela: Pechada ao tráfico no tramo comprendido entre a Praza de Concepción Arenal e a glorieta do Mundo (xunto ao Pavillón dos Remedios) desde mañá martes 17 de xuño, ás 9:30 horas, ata o luns 23 de xuño, debido ás orquestras e concertos programados.
• Parque Barbaña: Pecharanse ao tráfico o Paseo Ponte Pedriña e a rúa Porto Carreiro (desde a Travesía Portocarreiro B ata a rotonda da rúa Fonde do Bispo). A instalación das atraccións comezará mañá ás 14:00 horas. Estes accesos estarán pechados o mércores 18, xoves 19 e venres 20 a partir das 19:00 horas; o sábado 21 e domingo 22 desde as 17:00 horas e o luns 23 e martes 24 desde as 19:00 horas.
• Espectáculo de drons (mércores 18): Pecharanse ao tráfico a Ponte do Milenio, a rotonda de acceso ao centro coa Nacional 120 (desviando os vehículos pola rúa Castro Canseco), e a Nacional 120 á altura da rotonda coa rúa Pablo Iglesias (desviando o tráfico por Díaz de la Banda). Estes cortes efectuaránse momentos antes das 23:00 horas.
• Verbena dos Oitenta (sábado 21 na Praza de Concepción Arenal): Pecharase o tráfico de acceso á praza desde as rúas Sáenz Díez e Avenida da Habana desde as 15:00 horas, ata o remate do espectáculo e a desmontaxe.