As Festas do Couto ocasionarán cortes de tráfico en varias rúas do barrio

Os cortes comezarán este xovs, 15 de maio, e prolongaranse ata o domingo

A celebración das Festas do Couto requirirá pechar ao tráfico varias rúas do barrio a partir do xoves, 15 de maio, coa finalidade de permitir a instalación das atraccións festivas, o desenvolvemento das actividades musicais e a realización do espectáculo de drons.

Desde o xoves, 15 de maio, ata o luns, 19 de maio, a partir das 17.00 horas pecharanse ao tráfico as seguintes vías:

Rúa Francisco de Moure

• Rúa Cándido Fernández Mazas (entre Francisco de Moure e Álvarez de Sotomayor)
• Rúa Vila Real
• Rúa Dalí (entre Faustino Míguez e Ervedelo)
• Rúa Faustino Míguez
• Praza da Chave

Con motivo das actuacións das orquestras, pecharase a rúa Dalí (entre Faustino Míguez e a rotonda) nos seguintes horarios:

• Xoves, 15 de maio, a partir das 16.30 horas
• Venres, 16 de maio, a partir das 16.00 horas
• Sábado, 17 de maio, a partir das 09.00 horas
• Domingo, 18 de maio, a partir das 17.00 horas

Os cruzamentos da rúa Ervedelo coa glorieta do mesmo nome e coa Avenida de Portugal permanecerán abertos, agás que a elevada afluencia de público obrigue ao seu peche por razóns de seguridade.

Cortes polo espectáculo de drons:

• O sábado, 17 de maio, a partir das 23.00 horas realizaranse os seguintes cortes:
• Rotonda de acceso ao centro coa N-120 (desviando o tráfico por Castro Canseco)
• N-120 á altura da rotonda (desviando o tráfico por Díaz de la Banda)
• Accesos á rotonda do Mundo
• Cruce de Avilés de Taramancos con Pardo de Cela (desviando o tráfico cara ao centro da cidade)
• Cruce da Praza de Concepción Arenal con Sáenz Díez (desvío cara ao Progreso)

Autobuses e taxis

• As liñas do servizo de autobuses urbanos en dirección ao centro circularán pola rúa Castro Canseco (con parada provisional no cruzamento coa rúa dos Remedios), N-120 e Pardo de Cela (con parada provisional na rotonda).
• Os autobuses con destino a Vistafermosa non modificarán o seu itinerario, xa que non se prevé pechar a rúa Ervedelo, salvo que a afluencia de público faga necesario o seu peche por motivos de seguridade.
• A parada de taxis da rúa Vila Real trasladarase á rúa Francisco Lloréns desde o mércores, 14 de maio, ata o luns, 19 de maio.