As “Instalacións de xogo” volven este venres para os máis pequenos de Allariz
OurenseXa
A proposta, a cargo de Getsemaní Valenzuela, está dirixida a nenos e nenas de entre 6 e 24 meses
23 Mar 2026
Allariz volverá acoller este venres unha actividade centrada no xogo e na estimulación temperá baixo o título “Instalacións de xogo”. A proposta está dirixida a nenos e nenas de entre 6 e 24 meses e estará guiada por Getsemaní Valenzuela. A sesión celebrarase o venres 27 de marzo, en horario de 17:00 a 17:45 horas, no segundo andar do Fogar dos Maiores.
As persoas interesadas en participar poden inscribirse a través dos teléfonos 988 554 059 e 683 614 691.
A actividade está concebida como un espazo para explorar, descubrir e xogar, ofrecendo ás familias a oportunidade de estimular os sentidos dos máis pequenos e compartir tempo en común.